თანამედროვე ხელოვნების არქივი - თბილისი

კულტურის კვლევების დოქტორი (თსუ), პროფესორი (თსსა); თსსა-ის მოდის დიზაინის მიმართულების ხელმძღვანელი; წიგნის ავტორი „ვესტიმენტარული მოდა პოსტსაბჭოთა საქარვთველოში“ (328 გვერდი); „მოდა. ილუსტრირებული ისტორია“ (357 გვერდი) – სამეცნიერო კონსულტანტი; ქართული Fashion- ბიზნესისა და დიზაინ-განათლების მიმართულებით სამეცნიერო ნაშრომებისა და პუბლიკაციების ავტორი; მის მიერ შემუშავებული Fashion-განათლების კონცეფცია საფუძვლად დაედო მოდის დიზაინის მიმართულებაზე საწავლო პროცესში მოქმედი ტრადიციული პროგრამის მოდერნიზებას საერთაშორიო საგანმანათლებლო კრიტერიუმებთან შესაბამისად;Fashion-დიზაინის დარგში სასწავლო ინოვაციური პროგრამებისა და დისციპლინების ავტორი; საერთაშორისო და ადგილობრივი საგანმანათლებლო-შემოქმედებითი პროექტების ავტორი და ორგანიზატორი; სარედაქციო კოლეგიის წევრი - ივანე ჯავახიშვილის სახელობის თსუ-ს რეცენზირებადი ელექტრ. ბილინგური სამეცნ. ჟურნალი ,,სპეკალი’’ ; Georgian Fashion Foundation - ის ბორდის წევრ ; სარედაქციო კოლეგიის წევრი - Internatinal magazine «Euro-American Scientific Cooperation», Hamilton; სარედაქციო კოლეგიის წევრი - Internatinal Conference “Sharing the Results of Research Towards Closer Global Convergense of Scientists”, ,,Monreal’’; საგანმანათლებლო-შემოქმედებითი ტრეინინგებისა და მასტერ-კლასების ტრენერი; არაფორმალური საბაზრო ურთიერთობების სწავლების პლატფორმა ,,ალტერნატიული დისკურსი’’ საერთაშორისო და ლოკალური Fashion -ბიზნესის წარმატებული მოთამაშეების მოწვევით - დამფუძნებელი, მედიატორი (თსსა Fashion დიზაინის მიმართულება); TSAA/Fashion Design Portal თსსა/მოდის დიზაინის პორტალი - დამფუძნებელი, ადმინისტრატორი; პერსონალური და ჯგუფური გამოფენების მონაწილე.

დიმიტრი (მიტო) თუმანიშვილი (1950-2019) ხელოვნებათმცოდნეობის დოქტორი. გიორგი ჩუბინაშვილის სახელობის ქართული ხელოვნებისა და ძეგლთა დაცვის ეროვნული ცენტრის სამეცნიერო საბჭოს თავმჯდომარე, თბილისის სამხატვრო აკადემიის სრული პროფესორი. 1999-2006 წლებში იყო ქართული ხელოვნების ისტორიის ინსტიტუტის დირექტორის მოადგილე: შუა საუკუნეების არქიტერქტურის განყოფილების გამგე; თბილისის სამხატვრო აკადემასა და თბილისის სასულიერო აკადემიაში მიჰყავდა ქართული ხუროთმოძღვრების ისტორიისა და ხელოვნებათმცოდნეობის ისტორიის კურსი; იყო სახელოვნებათმცოდნეო მეცნიერებაში დაწერილი შრომების შეუცვლელი რეცენზენტი, რედაქტორი და კონსულტანტი; წლების მანძილზე ამუშავებდა ქართულ სახელოვნებათმცოდნეო დარგში მოღვაწე მეცნიერთა არქივებს.

თეონა ჯაფარიძემ დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ისტორიის ფაკულტეტი-არქეოლოგიის განხრით. მას აქვს გამოდილება, როგორც ჟურნალისტიკაში ასევე საკურატორო საქმიანობაში. წლების განმავლობაში სხვადასხვა სატელევიზო გადაცემებისთვის არტ ჟურნალისტად მუშაობდა. სწორედ აქედან გამომდინარე მის პირად არქივში დღესდღეობით 90-იანი წლების სხვადასხვა სახელოვნებო აქტივობების ვიდეო ინახება. თეონა ასევე მუშაობდა ჟურნალებში: 24 საათი, ოზონი, ამარტა, ფოკუსი, ტაბულა არტი და სხვ

ძელი გალერეა თბილისში, ერეკლე მეორის და შარდენის ქუჩების კუთხეში 1996 წელს გაიხსნა და 2007 წლამდე მუშაობდა. გალერეა 1990-იან წლებიდან იყო მხატვრების და თანამედროვე ხელოვნებით დაინტერესებული საზოგადოების შეკრების ადგილი. გალერეის მეპატრონეები არჩილ დარჩია და მანანა ვადაჩკორია ხელოვანებთან ერთად ორგანიზებას უკეთებდნენ გამოფენებს, ხელოვანთა აქციებს, პერფორმანსებს. 

დენიელ შპერი შვეიცარიელი ფოტოგრაფია, რომელიც საქართველოში, პირველად, 1993 წელს ჩამოვიდა Atelia Mondial IAAB-ის საგრანტო პროგრამის ფარგლებში. ის დაუმეგობრდა ქართველ ხელოვანებს და მისმა ობიექტივმაც ხელოვანთა მრავალი პორტრეტი დააფიქსირა. გარდა არტსივრცისა, შპერის ფოტოკოლექციები მოიცავს საქართველოს სხვადასხვა რეგიონსა და თბილისში გადაღებულ ფოტოებს, სადაც კარგად ჩარს იმ დროის განწყობები და ცხოვრების წესი.

ნინო გუჯაბიძე 1990-იანი წლების მეორე ნახევრიდან მრავალი სახელოვნებო პროექტის ავტორი და განმახორციელებელია. მისი პროფესიული განვითარების პროცესი თანხვედრაშია, საქართველოში, თანამედროვე ხელოვნების კურატორული პრაქტიკის განვითარების პროცესთან და მოიცავს იმ კურატორულ გამოცდილებებს, რომლებიც სპეციფიკური, ხშირად, მძიმეც კი არის, პოსტ-საბჭოთა, განვითარებად ქვეყნებში.

ფოტოხელოვანი გურამ წიბახაშვილი “არაოფიციალ” არტისტთა გუნდს 1980-იანი წლების მეორე ნახევრიდან უერთდება და იმ პერიოდიდან მოყოლებული, ერთ-ერთი მნიშვნელოვანი ფიგურაა თანამედროვე ქართულ სახელოვნებო სივრცეში. მის მიერ 1980-90-იან წლებში გადაღებული ფოტოები იმ დროის სახელოვნებო კონტექსტის - ხელოვანთა პორტრეტების და ღონისძიებების - უნიკალური მხატვრული მატიანეა. მხატვრული ხასიათის დოკუმენტური ფოტონამუშევრების პარალელურად, გურამ წიბახაშვილი ქმნის კონცეპტუალური ხელოვნების ნიმუშებსაც, სუბიექტური ფოტოგრაფიის მიმართულებით.

მაია ღოღელიანი სწავლობდა თსუ ფილოლოგის ფაკულტეტზე (1984-89). მუშაობდა საქართველოს ტელევიზიის I არხის გაერთიანება "არსში" გადაცემათა ციკლზე "შტრიხები პორტრესითვის" მხატვართა შემოქმედების შესახებ (1994 წლიდან), დილის პროგრამაში "0-დან 12-მდე" მიჰყავდა საავტორო ციკლი "არტი" მხატვართა შემოქმედებისა და საგამოფენო ცხოვრების შესახებ (1995-95); იყო სტუ პედაგოგი (1989-94). იყო საინფორმაციო პროგრამა "მოამბეს" კულტურის გამყოფილების კორესპოდენტი-რედაქტორი (1997-99) და მეორე არხის საავტორო გადაცემა “მოლბერტის” ავტორი და წამყვანი (2000-2003).